Беларусь адкрыла пасольствы ў КНДР і М’янме

Рэдакцыя Reform.news · 16 кастрычніка 2026, 22:49

https://reform.news/be/belarus-adkryla-pasolstvy-kndr-i-m-janme/

Беларусь афіцыйна адкрыла пасольствы ў КНДР і М’янме. Абодва пачалі працу ў кастрычніку.

«Адкрыццё двух новых пасольстваў з’яўляецца вынікам мэтанакіраванай палітыкі Беларусі па ўмацаванні прысутнасці ў краінах «далёкай дугі». Праца беларускіх замежных устаноў будзе накіравана на далейшае развіццё ўзаемавыгадных адносін з КНДР і М’янмай», — заяўляе беларускае МЗС.

Рашэнні адкрыць пасольствы ў Пхеньяне і Нейп’іда былі прыняты па выніках перамоў Аляксандра Лукашэнкі з лідарамі гэтых краін.

Пасольства КНДР у Беларусі працуе з 2016 года, пасольства М’янмы адкрылася сёлета.