Иллюстративное фото pixabay.com
У снежні банкі рэзка павялічылі выдачу крэдытаў юрыдычным асобам. На гэта паказвае статыстыка Нацыянальнага банка. Прырост крэдытавання склаў больш за 30%.
Банкі ў снежні выдалі юрыдычным асобам крэдытаў на 22,75 млрд рублёў, што на 5,1 млрд рублёў больш, чым у студзені. Гэта на 32,6% больш, чым за аналагічны месяц 2024 года.
У цэлым у 2025 годзе юрыдычныя асобы атрымалі крэдытаў на 194,3 млрд рублёў, або на 15% больш, чым у 2024 годзе.
Аб’ём кароткатэрміновага крэдытавання за мінулы год вырас на 13,1% у параўнанні з аналагічным перыядам мінулага года да 164,65 млрд рублёў, а доўгатэрміновага — на 26,3% да 29,63 млрд рублёў.
Запазычанасць юрыдычных асоб перад банкамі па крэдытах на 1 студзеня склала 66,04 млрд рублёў. За месяц яна вырасла на 1,785 млрд рублёў. За год аб’ём даўгоў павялічыўся на 12%.
Запазычанасць юрыдычных асоб па кароткатэрміновых крэдытах за год знізілася на 1,1% да 28,3 млрд рублёў, а па доўгатэрміновых вырасла на 24,4% да 37,74 млрд рублёў.
Пратэрмінаваная запазычанасць юрыдычных асоб перад банкамі на 1 студзеня дасягнула 845,5 млн рублёў. Яна вырасла за снежань на 519,1 млн рублёў. У параўнанні з 1 студзеня 2025 года пратэрмінаваная запазычанасць павялічылася на 111,5 млн рублёў.