Фото: Reform.by
Авіярэйсы з Масквы ў Мінск затрымліваюцца або адмененыя. На гэта ўказвае электроннае табло сталічнага аэрапорта.
“Аэрафлот” адмяніў начны і ранішні рэйсы ў беларускую сталіцу. “Белавія” перанесла начны рэйс на раніцу, два ранішнія самалёты прыляцяць у Мінск пазней.
Сёння ноччу былі закрытыя маскоўскія аэрапорты “Дамадзедава”, “Унукава”, “Жукоўскі” і “Шарамецьева”. Абмежаванні дзейнічалі каля сямі гадзін.
Мэр Масквы Сяргей Сабянін паведаміў пра 32 збітых за ноч беспілотнікі, якія накіроўваліся да сталіцы РФ.