Reform.news

Ціханоўская пра страляніну ў Кракаве: Беларусы падзяляюць ваш смутак у гэты змрочны час

Рэдакцыя Reform.news · 8 лістапада 2026, 14:03

https://reform.news/be/cihano-skaja-pra-straljaninu-krakave-belarusy-padzjaljajuc-vash-smutak-u-gjety-zmrochny-chas/

Святлана Ціханоўская выказала спачуванні сем’ям загінулых у выніку масавай страляніны ў Кракаве. Адпаведнае паведамленне яна апублікавала 7 лістапада ў сацыяльнай сетцы X.

«Я глыбока ўзрушаная сённяшняй жахлівай стралянінай на Галоўнай рынкавай плошчы ў Кракаве. Мае думкі з кожнай сям’ёй, якая смуткуе па страце блізкага чалавека. Жадаю ўсім пацярпелым сіл і найхутчэйшага выздараўлення. Нашым польскім сябрам: беларусы падзяляюць ваш смутак у гэты змрочны час», – напісала палітык.

Нагадаем, 7 лістапада ўзброены 24-гадовы мужчына адкрыў страляніну па людзях на Галоўным рынку Кракава. Затым ён паспрабаваў схавацца на аўтамабілі і падчас пераследу страляў у паліцэйскіх. Супрацоўнікі паліцыі паранілі і затрымалі нападніка.

У выніку нападу загінулі 6 чалавек, яшчэ 16, уключаючы падазраванага і двух паліцэйскіх, былі шпіталізаваныя. Стан нападніка ацэньваецца як крытычны.

Пазней у кватэры сям’і падазраванага ў Астроўцы-Свентакшыскім выявілі целы яго бацькоў і сястры. Паводле папярэдніх даных, яны загінулі ад агнястрэльных раненняў.

Рэклама

Пакінуць адказ