Чартарныя рэйсы з абласных цэнтраў у Егіпет пераносяць у Мінск

Рэдакцыя Reform.news · 6 кастрычніка 2026, 12:50

https://reform.news/be/chartarnyja-rjejsy-z-ablasnyh-cjentra-u-egipet-peranosjac-u-minsk/

Чартарныя рэйсы з абласных цэнтраў у Егіпет у асенне-зімовы сезон пераносяцца ў Мінск. Пра гэта паведамляе РСТА са спасылкай на тураператараў.

У цяперашнім сезоне “Інтэрсіці” арганізуе туры з Гомеля і Магілёва ў Шарм-эль-Шэйх, а «АэраБелСэрвіс» кансалідуе чартары ў Шарм-эль-Шэйх з Віцебска і Брэста.
Цяпер жа ўсе вылеты будуць ажыццяўляцца з Мінска.

Перанос тлумачыцца “неабходнасцю забяспечыць бяспеку і стабільнасць выканання рэйсаў”. Адзначаецца, што ўлічаны асаблівасці зімовай навігацыі, метэаралагічныя ўмовы, а таксама абмежаванні на выкарыстанне асобных паветраных прастораў і запасных аэрадромаў. З улікам усіх гэтых фактараў “Белавія” вырашыла ў зімовым сезоне лётаць толькі з Мінска. Улетку чартарныя рэйсы з абласных цэнтраў збіраюцца аднавіць.

Турысты могуць паляцець з Мінска, змяніць тур з улікам прапановы тураператараў, альбо адмовіцца ад паездкі з вяртаннем грошай.