Беларусь дэпартавала 3000 замежнікаў з пачатку года

Рэдакцыя Reform.news · 1 кастрычніка 2026, 13:51

https://reform.news/be/belarus-djepartavala-3000-zamezhnika-z-pachatku-goda/

З пачатку 2026 года Беларусь дэпартавала 3000 замежнікаў. Яшчэ 2000 замежным грамадзянам было адмоўлена ва ўездзе. Такія даныя агучыў кіраўнік МУС Беларусі Іван Кубракоў на пасяджэнні Савета міністраў унутраных спраў краін СНД 1 кастрычніка, паведамляе прэс-служба МУС.

Кубракоў звярнуў увагу, што мігранты актыўна выкарыстоўваюць Беларусь як транзітны калідор пры перамяшчэнні на Захад.

«Рэспубліка надае павышаную ўвагу пытанням кіравання міграцыйнымі патокамі, паспяхова выконваючы задачы, вызначаныя Дэкларацыяй аб узгодненай міграцыйнай палітыцы краін Садружнасці. МУС ва ўзаемадзеянні з зацікаўленымі прымяняе шырокі спектр мер, накіраваных на павышэнне эфектыўнасці кантролю і недапушчэнне дэстабілізацыі сітуацыі.

У 2026 годзе выяўлена каля 12000 парушэнняў міграцыйнага заканадаўства, 3000 замежных грамадзян выдвараны за межы краіны, прынята больш за 2000 рашэнняў аб адмове замежнікам ва ўездзе», — заявіў Кубракоў.

Паводле слоў міністра, колькасць выяўленых у Беларусі груп незаконных мігрантаў зменшылася.