Польскія памежнікі не далі грамадзяніну Беларусі з’ехаць на скрадзеным аўтамабілі ў Расію

Рэдакцыя Reform.news · 21 верасня 2026, 14:23

https://reform.news/be/polskija-pamezhniki-ne-dali-gramadzjaninu-belarusi-z-ehac-na-skradzenym-a-tamabili-rasiju/

Польскія памежнікі прадухілілі вываз скрадзенага ў Германіі аўтамабіля ў Расію.

Як паведамілі ў Памежнай ахове Польшчы, у нядзелю, 20 верасня, увагу супрацоўнікаў прыцягнуў Lexus, на якім 55-гадовы грамадзянін Беларусі спрабаваў выехаць у Калінінградскую вобласць РФ праз пункт пропуску ў Гжэхотках.

Падчас праверкі дакументаў памежнікі высветлілі, што аўтамабіль аб’яўлены ў вышук у Германіі, таксама было выяўлена, што ў машыны змянілі ідэнтыфікацыйны нумар.

Вадзіцель патлумачыў, што толькі выконвае просьбу знаёмага і павінен перагнаць аўтамабіль у Расію. Машына коштам каля 50 тыс. еўра канфіскаваная.