Латвія забароніць імпарт шэрагу тавараў з Беларусі з верасня

Рэдакцыя Reform.news · 25 жніўня 2026, 20:59

https://reform.news/be/latvija-zabaronic-impart-shjeragu-tavara-z-belarusi-z-verasnja/

Латвія забароніць увоз у краіну шэрагу тавараў з Беларусі і Расіі з 1 верасня. Рашэнне прыняў 25 жніўня ўрад Латвіі, паведамляе Delfi.

Прапанова аб забароне імпарту была ўхвалена Сеймам у канцы ліпеня. Сёння ўрад устанавіў дакладную дату.

Пад забарону трапляюць кнігі і іншая друкаваная прадукцыя, адзенне, некаторыя тэкстыльныя вырабы, абутак, галаўныя ўборы, цацкі і спартыўныя тавары. Забарона будзе распаўсюджвацца на беларускія і расійскія тавары, якія ўвозяцца таксама з трэціх краін.