Літоўскія памежнікі перахапілі партыю кантрабандных беларускіх цыгарэт
Рэдакцыя Reform.news · 25 жніўня 2026, 08:26
https://reform.news/be/lito-skija-pamezhniki-perahapili-partyju-kantrabandnyh-belaruskih-cygarjet/Літоўскія памежнікі ў нядзелю перахапілі партыю кантрабандных беларускіх цыгарэт. Volkswagen Passat быў спынены на дарозе Варэна – Гродна пад Друскінінкаем.
Кіроўца першапачаткова не падпарадкаваўся патрабаванням супрацоўнікаў паліцыі і памежнай службы. Ён паспрабаваў схавацца. Неўзабаве паліцэйскія выявілі кінуты Passat. У ім знаходзіліся 6 тыс. пачак цыгарэт «NZ Gold» і «Мінск 5 Суперслімс» з беларускімі маркамі. Кошт партыі ацанілі ў 33 тыс. еўра.
У далейшым былі затрыманыя трое жыхароў Друскінінкая, якіх падазраюць у кантрабандзе.
Распачата расследаванне.