Сэрвісам па выдачы электронных віз скарысталіся больш за 3 тысячы замежнікаў

Рэдакцыя Reform.news · 20 жніўня 2026, 13:44

https://reform.news/be/sjervisam-pa-vydachy-jelektronnyh-viz-skarystalisja-bolsh-za-3-tysjachy-zamezhnika/

Амаль за 1,5 года працы сэрвісу па выдачы электронных віз для наведвання Беларусі ім скарысталіся больш за 3 тыс. замежнікаў. Пра гэта паведамілі ў Нацыянальным цэнтры электронных паслуг.

Паслуга працуе з 20 сакавіка 2025 года. Электронную візу могуць атрымаць грамадзяне 67 краін, у тым ліку ЗША, Канады, краін Еўрасаюза, Аўстраліі, Новай Зеландыі, Японіі і Вялікабрытаніі.

Электронная віза дзейнічае толькі адзін раз і выдаецца максімум на 30 сутак. Яе афармляюць для дзелавых паездак, турызму, прыватных спраў або ўдзелу ў спартыўных і навуковых мерапрыемствах.