Іран і ЗША працягваюць кансультацыі, нягледзячы на абмен ударамі

Рэдакцыя Reform.news · 10 ліпеня 2026, 08:56

https://reform.news/be/iran-i-zsha-pracjagvajuc-kansultacyi-njagledzjachy-na-abmen-udarami/

Тэхнічныя кансультацыі паміж ЗША і Іранам працягваюцца, нягледзячы на абмен ударамі. Пра гэта паведамляе Bloomberg са спасылкай на амерыканскага чыноўніка.

Паводле яго слоў, ЗША па-ранейшаму прытрымліваюцца курсу на пошук рашэння праблемы з Іранам.

Агенцтва мяркуе, што такімі каментарыямі амерыканскі бок спрабуе развеяць асцярогі наконт аднаўлення поўнамаштабнай вайны.

Нагадаем, на гэтым тыдні на фоне пахавання Алі Хаменеі іранскі бок атакаваў гандлёвыя судны ў Армузскім праліве. Пасля гэтага ЗША і Іран двойчы абмяняліся ўдарамі. Амерыканскі бок атакаваў розныя аб’екты на тэрыторыі Ірана, уключаючы сродкі СПА, ракетныя ўстаноўкі, катэры КВІР.

У сваю чаргу іранскія вайскоўцы нанеслі ўдары па базах ЗША ў Бахрэйне і Кувейце. На гэтым фоне прэзідэнт ЗША Дональд Трамп заявіў, што з амерыкана-іранскім мемарандумам, падпісаным дзеля спынення вайны, пакончана. Таксама ЗША адмянілі змякчэнне санкцый у дачыненні да іранскай нафты.