Пяскоў адмаўляе наяўнасць ціску на Мінск у пытаннях вайны

Рэдакцыя Reform.news · 25 чэрвеня 2026, 12:56

https://reform.news/be/pjasko-adma-ljae-naja-nasc-cisku-na-minsk-u-pytannjah-vajny/

Прэс-сакратар Крамля Дзмітрый Пяскоў заявіў, што публікацыя The Wall Street Journal пра ціск, які Масква аказвае на Мінск у пытаннях дапамогі ў вайне супраць Украіны, не адпавядае рэчаіснасці.

“Што датычыцца паведамлення вось гэтага выдання, пра якое вы згадалі, то гэта абсалютна не адпавядае рэчаіснасці.

У нас ёсць Саюзная дзяржава, у нас ёсць цэлы пералік сумесных праектаў, якія стаяць на парадку дня. У нас найбольш прасунутая форма інтэграцыі з Беларуссю, якая працягваецца, і Беларусь з’яўляецца нашым найбліжэйшым саюзнікам”, — сказаў Пяскоў, перадае ТАСС.

Нагадаем, The Wall Street Journal са спасылкай на былых і цяперашніх расійскіх і еўрапейскіх чыноўнікаў напісала, што Масква аказвае ціск на Беларусь, пагражаючы спыніць фінансавую падтрымку, ад якой залежыць Мінск. Мэтай гэтага ціску з’яўляецца дапамога ў вайне супраць Украіны.