«Гукі выбухаў і стрэлаў» — у Баранавічах будуць вучыцца падаўляць беспарадкі

Рэдакцыя Reform.news · 3 чэрвеня 2026, 15:36

https://reform.news/be/guki-vybuha-i-strjela-u-baranavichah-buduc-vuchycca-pada-ljac-besparadki/

У Баранавічах 4 чэрвеня адбудуцца тактыка-страявыя заняткі па баявым зладжванні сіл і сродкаў пры спыненні масавых беспарадкаў, паведамляе УУС Брэсцкага аблвыканкама.

У сувязі з вучэннямі будзе абмежаваны рух па вуліцы Жукава ад вуліцы Куканенкі да Савецкага праспекта, а таксама перакрыта паркоўка каля Лядовага палаца. Магчымы рух спецтэхнікі з уключанымі сірэнамі і пробліскавымі маячкамі.

Адзін з этапаў вучэнняў пройдзе на тэрыторыі Лядовага палаца на Савецкім праспекце. Паблізу аб’екта могуць быць чутныя гукі выбухаў і стрэлаў.

“Хвалявацца не варта”, — запэўнілі ва УУС.