Ціханоўская пра размову з Коўлам і Смітам: Упэўненая ў поспеху гуманітарных намаганняў

Рэдакцыя Reform.news · 13 мая 2026, 20:35

https://reform.news/be/cihano-skaja-pra-razmovu-z-koulam-i-smitam-upje-nenaja-pospehu-gumanitarnyh-namagannja/

У Офісе Святланы Ціханоўскай расказалі пра сённяшнюю тэлефонную размову са спецыяльным пасланнікам прэзідэнта ЗША Джонам Коўлам і намеснікам памочніка дзяржаўнага сакратара ЗША па справах Еўропы і Еўразіі Крысам Смітам.

Лідарка дэмсіл выказала падзяку прэзідэнту ЗША Дональду Трампу і яго камандзе за дапамогу ў вызваленні больш за 500 палітычных зняволеных у Беларусі.

«Прэзідэнт Трамп заявіў, што мэта — вызваліць іх усіх, і я ўпэўненая ў поспеху гуманітарных намаганняў у гэтым кірунку», — заявіла палітык па выніках размовы.