У Беларусь прыязджаў прадстаўнік МЗС Германіі
Рэдакцыя Reform.news · 26 сакавіка 2026, 16:53
https://reform.news/be/u-belarus-pryjazdzha-pradsta-nik-mzs-germanii/Пасольства Германіі ў Беларусі ўчора апублікавала ў сваіх сацсетках жартоўнае відэа з удзелам нямецкага дыпламата Беньяміна Вальтэра. Ён прыбыў для ўдзелу ў “важных перамовах”.
“Мы былі вельмі рады прыняць нашага калегу Беньяміна Вальтэра падчас яго першай паездкі ў Беларусь. Разам з шматлікімі важнымі перамовамі мы таксама знайшлі час для нефармальных зносін. Паглядзіце на нашу спробу зрабіць з нашага госця з Берліна сапраўднага беларуса! Што мы забылі?” – гаворыцца ў паведамленні.
Беньямін Вальтэр быў прызначаны на пазіцыю Desk Officer па Беларусі ў МЗС Германіі ў кастрычніку 2025 года.