У Беларусі заблакаваны сайт івэнт-агенцтва, у якім працаваў зніклы Котаў

Рэдакцыя Reform.news · 25 лютага 2026, 13:29

https://reform.news/be/u-belarusi-zablakavany-sajt-ivjent-agenctva-u-jakim-pracava-znikly-kota/

У Беларусі пастановай пракурора Магілёўскай вобласці заблакаваны сайты terra-group.pl і ssl-production.pl.

Пракуратура лічыць, што іх работа супярэчыла інтарэсам дзяржавы і была спалучана з «замахам на асновы суверэнітэту і нязменнасць канстытуцыйнага ладу краіны».

У снежні 2025 года КДБ прызнаў польскія кампаніі Terra Group Event і SSL Production «экстрэмісцкімі фарміраваннямі».

У Terra Group Event працаваў Анатоль Котаў, які знік пасля вылету ў Турцыю напрыканцы жніўня.