Віціс Юрконіс узнагароджаны афіцэрскім крыжам ордэна «За заслугі перад Літвой»

Рэдакцыя Reform.news · 17 лютага 2026, 13:59

https://reform.news/be/vicis-jurkonis-uznagarodzhany-aficjerskim-kryzham-ordjena-za-zaslugi-perad-litvoj/

16 лютага з нагоды Дня аднаўлення дзяржавы прэзідэнт Літоўскай Рэспублікі Гітанас Наўседа уручыў дзяржаўныя ўзнагароды за заслугі і за прасоўванне краіны ў свеце. Сярод узнагароджаных апынуўся вядомы ў Беларусі літоўскі палітолаг Віціс Юрконіс.

Юрконіс узнагароджаны афіцэрскім крыжам ордэна «За заслугі перад Літвой» за заслугі ў прасоўванні імя Літвы як цэнтра свабоды і дэмакратыі за мяжой, садзейнічанне рэалізацыі ініцыятыў знешняй палітыкі Літвы, паведамляе прэс-служба літоўскага прэзідэнта.

Віціс Юрконіс — літоўскі палітолаг, вядучы эксперт па Беларусі, выкладчык Інстытута міжнародных адносін і палітычных навук Віленскага ўніверсітэта, кіраўнік літоўскага офіса Freedom House. Ён асабіста дапамог тысячам беларусаў, якія ратаваліся ў Літве ад рэпрэсій рэжыму Лукашэнкі.

***

Аляксандр Атрошчанкаў у сакавіку 2020 года узяў у Юрконіса вялікае інтэрв’ю. Цікава ўзгадаць, што думаў эксперт напярэдадні лёсаносных перамен у Беларусі.