Аднавіць пашкоджаны выбухам дом у Гомелі плануюць у маі

Рэдакцыя Reform.news · 14 студзеня 2026, 13:44

https://reform.news/be/adnavic-pashkodzhany-vybuham-dom-u-gomeli-planujuc-u-mai/

Рамонт пашкоджанага выбухам дома ў Гомелі плануюць завяршыць у маі гэтага года, паведамляе Гомельскі аблвыканкам.

Капітальны рамонт жылога дома ўключае ў сябе работы па аднаўленні разбураных і дэмантаваных канструктыўных элементаў, інжынерных сістэм з праходжаннем дзяржаўнай будаўнічай экспертызы, расказаў намеснік старшыні аблвыканкама Андрэй Бараноўскі.

Цяпер распрацоўваецца праектная дакументацыя, вядзецца ўстаноўка і мантаж вежавага крана.

Нагадаем, выбух газу адбыўся ў адной з кватэр трэцяга пад’езда дзесяціпавярховага дома 17 снежня. У выніку абрынуліся міжпавярховыя перакрыцці сёмага і восьмага паверхаў. 22 снежня падчас разбору завалаў на шостым паверсе было знойдзена цела загінулай жанчыны.