Зяленскі сустрэнецца з Трампам: многае можа вырашыцца да Новага года

Рэдакцыя Reform.news · 26 снежня 2025, 10:17

https://reform.news/be/zjalenski-sustrjenecca-z-trampam-mnogae-mozha-vyrashycca-da-novaga-goda/

Прэзідэнт Украіны Уладзімір Зяленскі анансаваў хуткую сустрэчу з прэзідэнтам ЗША Дональдам Трампам.

«Рустэм Умераў далажыў пра свае чарговыя кантакты з амерыканскім бокам. Не губляем ніводнага дня. Дамовіліся пра сустрэчу на найвышэйшым узроўні — з прэзідэнтам Трампам — у бліжэйшы час. Многае можа вырашыцца да Новага года», — паведаміў Зяленскі.

Нагадаем, днямі ўкраінскі прэзідэнт апублікаваў мірны план з 20 пунктаў. Учора ён заявіў, што правёў размову са спецыяльным прадстаўніком прэзідэнта ЗША Стывам Уіткафам і Джарэдам Кушнерам. Ён назваў абмеркаванне канструктыўным і інтэнсіўным. Паводле яго слоў, «ёсць добрыя ідэі, якія могуць спрацаваць дзеля агульнага выніку і працяглага міру».