Следчы камітэт узначаліў Канстанцін Бычак

Рэдакцыя Reform.news · 23 снежня 2025, 12:57

https://reform.news/be/sledchy-kamitjet-uznachali-kanstancin-bychak/

Аляксандр Лукашэнка сёння правёў перастаноўкі ў сілавых органах. Начальнік Следчага ўпраўлення КДБ Канстанцін Бычак прызначаны старшынёй Следчага камітэта, паведамілі ў прэс-службе Лукашэнкі.

Бычак, працуючы ў КДБ, быў героем шматлікіх прапагандысцкіх фільмаў аб крымінальных справах у дачыненні да палітычных апанентаў Лукашэнкі.

Перад гэтым Лукашэнка зрабіў кіраўніка СК Дзмітрыя Гару генеральным пракурорам, які замяніў на гэтай пасадзе Андрэя Шведа, прызначанага на мінулым тыдні старшынёй Вярхоўнага суда.