Мінэнерга: пачаты падрыхтоўчыя работы да будаўніцтва трэцяга блока БелАЭС
Рэдакцыя Reform.news · 22 снежня 2025, 13:45
https://reform.news/be/minjenerga-pachaty-padryhto-chyja-raboty-da-buda-nictva-trjecjaga-bloka-belajes/У Беларусі пачаліся падрыхтоўчыя работы да будаўніцтва трэцяга блока БелАЭС. Пра гэта заявіў сёння міністр энергетыкі Дзяніс Мароз.
«Па выніках нарады ў кіраўніка дзяржавы 14 лістапада 2025 года прынята рашэнне аб далейшым развіцці атамных генеруючых магутнасцяў і будаўніцтве трэцяга энергаблока Беларускай АЭС. Па даручэнні прэзідэнта ўжо пачаты падрыхтоўчыя работы па рэалізацыі праекта», — сказаў ён на выязным пасяджэнні савета Палаты прадстаўнікоў, якое праходзіць у Астраўцы.
Як паведамілі ў прэс-службе міністэрства, сфарміраваны план першачарговых мерапрыемстваў, рыхтуецца пакет міжнародных пагадненняў, якія плануецца падпісаць з расійскім бокам. Разам з «Расатамам» абмяркоўваюцца фінансавыя, тэхналагічныя і арганізацыйныя аспекты праекта.
Таксама пачаты работы па вывучэнні перспектыў будаўніцтва ў Магілёўскай вобласці другой атамнай станцыі.