У райцэнтрах Гомельшчыны з’яўляюцца новыя муралы, створаныя меркавана ШІ. «Атрымліваецца недарэчна», — заўважае «Флагшток».
Напрыклад, мурал, які з’явіцца ў Жлобіне, павінен паказваць турыстычны патэнцыял рэгіёну. Аднак выява выглядае недарэчна і нагадвае працу штучнага інтэлекту.
Дарэчы, у Жлобіне нядаўна з’явіўся патрыятычны мурал, зроблены па эскізу васьмігадовага дзіцяці, які выйграў мясцовы конкурс.
Падобны турыстычны мурал ужо з’явіўся ў Рэчыцы. Мяркуючы па ўсім, райцэнтры атрымалі ўказанне такім чынам прасоўваць свой турыстычны патэнцыял.
Яшчэ адзін тып графіці, якім хочуць «упрыгожыць» райцэнтры Гомельшчыны, — экалагічны. У Мазыры вылучаюць 26 тысяч рублёў за стварэнне двух муралаў «на прыродаахоўную тэматыку», як гаворыцца ў абвешчанай закупцы.
А ў Калінкавічах выдаткуюць амаль 18 тысяч рублёў на нанясенне мурала «ў рамках рэалізацыі Дзяржаўнай праграмы «Экалогія» на 2026-2030 гады» і плана мерапрыемстваў па рэалізацыі задач падпраграмы «экалогія» ў Калінкавіцкім раёне».
Новыя тыпы муралаў прыйшлі на змену вайсковым графіці, якімі раней масава «ўпрыгожвалі» Гомель і іншыя гарады рэгіёну.
Падпісвайцеся на культурныя навіны Reform.news у Telegram
