6 жніўня ў Музеі Вольнай Беларусі плануецца адкрыццё выставы «Застацца/Zostać», прымеркаванай да 60-годдзя мастака Алеся Пушкіна.
Выстава аб’яднае працы мастакоў і мастачак у міграцыі, якія праз візуальнае мастацтва даследуюць тэмы страты, прысутнасці, ідэнтычнасці, штодзённасці і культурнай трансфармацыі. У цэнтры — не постаць Пушкіна, а яго ідэі, вобразы і метады, што сёння працягваюць жыць у мастацкіх практыках.
Да 20 траўня адкрыты open call на ўдзел у выставе — запрашаюць мастачак і мастакоў, якія жывуць у Польшчы і краінах-суседках ЕС, прыняць удзел. Фармат твораў можы быць любы — інсталяцыі, жывапіс, відэа, фатаграфііі перфарматыўныя практыкі, чакаюць творы на тэмы міграцыі і трансфармацыі пошуку сваёй ідэнтычнасці; вопыту жыцця «паміж» — краінамі, мовамі, станамі; асабістых перажыванняў і мастацкіх сведчанняў.
Прадугледжана аплата транспарціроўкі работ на выставу і іх усталёўка. Ганарары не прадугледжаны, але ёсць магчымасць прапанаваць сваю працу на аўкцыён (сродкі застаюцца аўтару).
Падаць працу можна да 20 траўня праз форму.
Праект ствараецца незалежнай групай куратараў і мастакоў і не мае інстытуцыйнай падтрымкі. Выстава — гэта працяг даследчай працы, якая ўжо прывяла да стварэння старонкі памяці Алеся Пушкіна, фармавання візуальнага архіва яго твораў і распрацоўкі будучага альбома.
Праект можна падтрымаць праз платформу Gronka.