З’явіўся трэйлер будучай лонданскай прэм’еры «Дзікага палявання караля Стаха»

Reform.news · 26 июля 2023, 14:16

https://reform.news/z-javi-sja-trjejler-buduchaj-londanskaj-prjem-ery-dzikaga-paljavannja-karalja-staha/

Прэм’ера новай пастаноўкі культавага твора Уладзіміра Караткевіча ад Belarus Free Theatre адбудзецца ў Лондане, у Міжнародным цэнтры мастацтва Barbiсan, 14—16 верасня.

Трэйлер новай версіі «Дзікага палявання караля Стаха» змясціў у сацсетках кіраўнік Belarus Free Theatre Мікалай Халезін. Таксама ён з’явіўся на сайце Barbiсan.

«Дзікае паляванне караля Стаха» спалучае ў сабе оперу, драматычны тэатр, мультымедыя і жывую музыку, каб распавесці гісторыю, якая сыходзіць каранямі ў гісторыю Беларусі і надзвычай актуальная для сённяшняй Еўропы», — пазначана ў анатацыі спектакля на сайце Barbiсan.

Нядаўна на галоўнай опернай сцэне Польшчы прайшла рэпетыцыя будучай пастаноўкі. «На першым этапе нас было каля паўсотні чалавек з шасці краін свету, але калі мы пачнём другі сэт у Лондане, мы «вырасцем» амаль удвая. Гэта самы маштабны праект у гісторыі Belarus Free Theatre, і цалкам дакладна — адзін з самых значных і смелых», — напісаў Халезін у сваім тэлеграм-канале.

Спектакль будзе ісці на беларускай мове з англійскімі субцітрамі.

Квіткі можна набыць тут.

Падпісвайцеся на культурныя навіны Reform.by у Telegram