Выстава, спектакль і эксперымент у будынку былой турмы: сёння пачынаецца «Тыдзень супраць катаванняў»

Міжнародны дзень ААН у падтрымку ахвяр катаванняў адзначаецца 26 чэрвеня. «Прававая ініцыятыва» традыцыйна прымяркоўвае да яго «Тыдзень супраць катаванняў», у межах якога праводзіць цыкл адукацыйных мерапрыемстваў, каб прыцягнуць увагу да здзекаў з затрыманых ды зняволеных беларусаў і беларусак, якія працягваюцца.

Кампанія пройдзе з 24 па 30 чэрвеня ў розных краінах Еўропы, піша «Вясна».

Сярод мерапрыемстваў плануюцца монаспектакль рэжысёра і акцёра Паўла Гарадніцкага «Паслязаўтра будзе заўтра». У Львове ў будынку былой турмы на Лонцькага адбудзецца Дзень адчыненых дзвярэй, турэмны эксперымент зладзяць у турме-музеі ў Вільні, пройдзе анлайн-аўкцыён карціны Вольгі Якубоўскай.

Уся праграма тут.

Падпісвайцеся на культурныя навіны Reform.news у Telegram