Выдавецтва Gutenberg Publisher збірае перадзаказы і шукае інвестараў для гульні «Шляхта»

Беларускае выдавецтва з Кракава Gutenberg Publisher мае дэтальна распрацаваны праект гульні «Шляхта», персанажамі якой з’яўляюцца вядомыя гістарычныя дзеячы, такія як Канстанцін Астрожскі, Барбара Радзівіл, Мікола Гусоўскі, Бона Сфорца і іншыя, і шукае інвестараў для друку першага накладу.

У гульні будзе кароткі ілюстраваны даведнік па біяграфіі асобаў і магчымаць пайсці па адной з тагачасных шляхецкіх кар’ер: ваенная справа, святарства, дыпламатыя або нават алхмія. Стылёвыя малюнкі выкананы адмыслова для праекта.

Што вас чакае, калі станеце інвестарам?

• 50% ад прыбытку з продажаў;
• пазнака вашага імя на вокладцы/упакоўцы, калі гэта бяспечна для вас, нас і пакупнікоў;
• некалькі асобнікаў прафінансаванай вамі кнігі/гульні;
• узгадка ўдзячнасці пра вас на сайце і ў тэматычных медыя;
• пачуццё гонару за добрую справу.

Каб стаць інвестарам, просяць напісаць у дырэкт або на пошту office@gutenbergpublisher.eu.

Акрамя таго, кожны, хто жадае дапамагчы выхаду “Шляхты”, можа аформіць перадзаказ на сайце. Выдавецтва абавязваецца вярнуць вам укладзеныя грошы, калі гульня не ўбачыць свет і не пойдзе ў продаж цягам 4 месяцаў.

Калі ж усё складзецца добра, вы атрымаеце і крутую настолку, і веданне, што паспрыялі яе стварэнню.

Галоўны рэдактар Gutenberg Publisher Валянціна Андрэева пра сваё выдавецтва распавядае тут.

Падпісвайцеся на культурныя навіны Reform.by у Telegram