У Вільні пакажуць спектакль пра Янку Купалу

Музычны спектакль, створаны па матывах п’есы Уладзіміра Караткевіча «Калыска чатырох чараўніц», ладзіць тэатр лялек «Батлейка» з музычным суправаджэннем Хора вольных беларусаў

Ён расказвае пра жыццёвы выбар паэта Янкі Купалы на пачатку ягонага творчага шляху ў часы Расейскай імперыі.

Унікальнае спалучэнне не пакіне абыякавым ніводнага госця імпрэзы, упэўненыя арганізатары. Мова спектакляў — беларуская, а працягласць каля гадзіны.

Узроставых абмежаванняў няма, дзецям таксама будзе зразумела і цікава. Уваход вольны, ахвяраванні на падтрымку праекта вітаюцца (скрыня).

Адбудуцца два паказы спектакля:

• 31 траўня (пт) — пачатак у 18.30
• 1 чэрвеня (сб) — пачатак у 12.00

Паказы пройдуць на другім паверсе ў Доме нацыянальных аб’яднанняў у Вільні (Raugyklos g., 25, Vilnius).

Прэм’ера пастаноўкі адбылася ў 2023 годзе ў Варшаве.