У Варшаве запрашаюць на лекцыі пра мастацтва

У суботу, 18 сакавіка, каманда брэсцкай арт-прасторы «Крылы халопа» распачынае ў Варшаве цыкл лекцый-гутарак «Мастацтва. Усё ўключана».

Прапануюць пагутарыць пра розныя галіны візуальнага мастацтва, што знаходзяцца па-за межамі так званага «высокага», «чыстага», «сапраўднага» мастацтва і нярэдка (у тым ліку ў класічнай гісторыі мастацтва) разглядаюцца як маргінальныя ці другасныя.

Арганізатары плануюць пахіснуць стэрэатыпна-іерархічныя канструкты тэорыі і гісторыі мастацтва, каб пашырыць нашыя гарызонты бачання і разумення мастацтва, каб вызваліць узурпаваныя сферы і сцвердзіць значнасць тых, што доўгі час альбо з самага пачатку знаходзяцца «пад сумневам».

Лектарка — Лізавета Міхальчук, мастацтвазнаўца, куратарка галерэі Прасторы КХ і анлайн-галерэі www.spacekx.com.

Цыкл складаецца з 7 частак, а зараз запрашаюць на ўводную гутарку-прэзентацыю цыкла, а таксама на 3 лекцыі з першай часткі:

• 18 сакавіка ў 17.00 Прэзентацыя цыкла лекцый. Уводзіны ў праект;
• 19 сакавіка ў 17.00  Народнае мастацтва;
• 20 сакавіка ў 19.00 Наіўнае мастацтва;
• 21 сакавіка ў 19.00  Мастацтва аўтсайдараў

Уваход вольны, рэгістрацыія не патрэбна.

Дата і час: 18 і 19 сакавіка ў 17.00; 20 і 21 сакавіка ў 19.00.

Месца: Warszawskie Obserwatorium Kultury, ul. Marszałkowskа 34/50, Варшава.