У музеі народнай архітэктуры і побыту ў Азярцы адзначаць Вялікдзень паводле старых традыцый

Музей народнай архітэктуры і побыту ў Азярцы пад Мінскам запрашае на Вялікдзень згадаць старыя велікодныя варожбы і паўдзельнічаць у майстар-класах.

У праграме:

• Майстар-клас па ўпрыгожанні яек у тэхніцы «драпанка»;
• Майстар-клас па развучванні валачобных песень;
• Майстар-клас па велікоднай выцінанцы;
• Абрад абыходу двароў валачобнікамі;
• Велікодныя гульні: «Біццё і катанне яек»;
• Велікодныя варожбы;
• Беларускія народныя гульні і танцы.

Вялікдзень — свята, што сягае каранямі ў глыбокую старажытнасць, калісьці з гэтага дня адлічваўся новы каляндарны год.

Галоўны сімвал Вялікадня — яйка, якое ўвасабляе народныя ўяўленні пра жыццё, сонца, веснавое абуджэнне прыроды, перамогу жыцця над смерцю.

На Вялікдзень чырвонае яйка клалі ў ваду, якой умывалі твар. Гэтыя дзеянні павінны былі забяспечыць здароўе і прыгажосць.

Адна з асаблівасцей беларускага Вялікадня — хаджэнне валачобнікаў, якія віншавалі гаспадароў хаты са святам, жадалі ім здароўя, прыбытку скаціны, добрага ўраджаю на полі.

Дата: 16 красавіка

Час: з 14.00 да 15.00 (час мясцовы)

Месца: музей народнай архітэктуры і побыту, Азярцо, Мінскі раён.

Падпісвайцеся на культурныя навіны Reform.by у Telegram