Да 100-годдзя Васіля Быкава ў Музеі гісторыі беларускай літаратуры адкрылася выстава «Васіль Быкаў. Жыццё праз абрысы і лініі». На выставе дэманструюцца фотаздымкі, кнігі, рукапісы, лісты, дакументы, асабістыя рэчы, прадметы адзення Васіля Быкава з фондаў Дзяржаўнага музея гісторыі беларускай літаратуры.
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/razam-z-syabrami-z-rygoram-baradulinym-alesem-adamovicham-yuryem-bondaravym.jpg)
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/razam-z-uladzimiram-karatkevicham.jpg)
Экспазіцыйныя падзелена паводле тэмаў: «Дзяцінства», «Ваенныя ўспаміны», «Творы Быкава ў іншых відах мастацтва», «Жыццё і творчасць пад мірным небам».
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/razam-z-baczkami-i-syastroj.jpg)
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/razam-z-synami-syargeem-i-vasilyom.-razam-z-zhonkaj-irynaj-mihajlaўnaj.jpg)
На выставе паказалі мастацкую спадчыну народнага пісьменніка Беларусі — больш за 70 графічных і жывапісных работ.
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/384752197_229420893445765_1857919235147811120_n.jpg)
Іх сюжэты звычайна біяграфічныя: родная хата, вясковая школа, краявіды з часоў дзяцінства, замалёўкі з вайны, самаіранічныя накіды з жыцця, часам падобныя да коміксаў, напрыклад, будаўніцтва дачы ў Ждановічах…
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/421910605_1836794816782612_2784644359896732366_n.jpg)
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/384753865_229419343445920_6488972351440132146_n.jpg)
Васіль Быкаў захапляўся маляваннем з дзяцінства. «Выяўленчае мастацтва ўвайшло ў маю душу з малюнкаў, кніжных ілюстрацый, — піша пісьменнік у мемуарнай кнізе «Доўгая дарога дадому». — Асабліва захаплялі гравюры ў старых кнігах Жуля Верна ды іншых».
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/384772174_229419510112570_7755525963408296751_n.jpg)
У 1939 годзе, пасля сканчэння 8 класаў Кубліцкай сярэдняй школы, Васіль Быкаў паступіў у Віцебскае мастацкае вучылішча. Аднак увосень 1940 года, у сувязі з пагаршэннем матэрыяльнага становішча сям’і і адменай дзяржаўных стыпендый, вымушаны быў пакінуць вучобу. Быкаў маляваў нават на фронце. У 1947-м ён прыехаў у Мінск, дзе зноў планаваў паступіць у мастацкае вучылішча. Але ў выніку патрапіў у Гродна, дзе нейкі час працаваў у мастацкіх майстэрнях.
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/384757856_229419623445892_8492394550738704738_n.jpg)
Заняткі мастацтвам, якія Быкаў іранічна называў «мастацкі зуд», былі яго пажыццёвым захапленнем. Аднак пра гэта ведалі толькі родныя ды блізкія сябры.
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/384774767_229418126779375_2702918290092100048_n.jpg)
Куратар выставы – старшы навуковы супрацоўнік, куратар філіяла «Музей-дача Васіля Быкава» Ірына Князева.
![У Музеі гісторыі беларускай літаратуры адкрылася выстава, прысвечаная Васілю Быкаву - фотафакт](https://reform.news/wp-content/uploads/2024/01/421533232_2595683833932339_7905427911577523563_n.jpg)
Выстава будзе працаваць да 5 мая. Неўзабаве будуць абвешчаны даты для запісу на зборныя экскурсіі.
Падпісвайцеся на культурныя навіны Reform.by у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: