У музеі гісторыі рэлігіі з’явіліся залы, прысвечаныя паўсядзённаму жыццю шляхты ў другой палове XVIII — пачатку ХХ стагоддзя, паведамляецца ў музейным Instagram. У экспазіцыі паказваюць новыя прадметы і палацавыя інтэр’еры.
У новай экспазіцыі дэманструюць стол, за якім гродзенкі рабілі макіяж 200 гадоў таму, паказваюць, як захоўвалі алкагольныя напоі і як выглядаюць шахматы 1900 года. Устанавілі і чыгунную печку, у якой разагравалі ежу.
З’яўленню новых экспазіцый папярэднічаў рамонт, падчас якога закупілі новыя прадметы, замянілі пакрыццё падлогі, вітрыны і парцьеры.
Экскурсіі па новай экспазіцыі запланаваны на 30 сакавіка (13:00), 5 красавіка (13:00), 17 красавіка (18:00).
Музеі гісторыі рэлігіі — адзіны музей у Беларусі, які спецыялізуецца на вывучэнні гістарычнага мінулага рэлігій і канфесій.
Падпісвайцеся на культурныя навіны Reform.news у Telegram
