У Гомельскім гарадскім маладзёжным тэатры 11 і 22 траўня пройдуць прэм’ерныя паказы спектакля паводле аповесці Уладзіміра Караткевіча «Дзікае паляванне караля Стаха». Спектакль характарызуюць яе неануар, ёсць узроставае абмежаванне 16+.
Паставіў спектакль беларускі рэжысёр Дэвід Разумаў, нядаўні выпускнік Беларускай акадэміі мастацтваў, вядомы, напрыклад, па пастаноўцы ў Нацыянальным драматычным тэатры імя М. Горкага спектакля «Фаўст. Здзелка з д’яблам».
«Малады этнограф выпадкова трапляе ў стары замак, гаспадыню якога пераследуюць прывіды. Яна сцвярджае, што віной усяму старажытны праклён «Дзікага паляванне караля Стаха». Як атэіст герой адмаўляецца верыць у звышнатуральныя сілы і пачынае расследаванне, але ў спробах спыніць «Дзікае паляванне» ён сам становіцца яе мэтай», — паведамляе анатацыя спектакля.
Спектакль «Дзікае паляванне караля Стаха» будзе ісці на рускай мове. У афішы тэатра знайшоўся толькі адзін спектакль на беларускай мове — «Ціха тут на досвітках» паводле аповесці Барыса Васільева «А зори здесь тихие…».
Падпісвайцеся на культурныя навіны Reform.news у Telegram