«Тутэйшы тэатр» зладзіць у Варшаве свой знакавы імправізацыйны спектакль Гаральд

Reform.news · 8 июня 2024, 11:40

https://reform.news/tutjejshy-tjeatr-zladzic-u-varshave-svoj-znakavy-impravizacyjny-spektakl-garald/

12 чэрвеня акторы «Тутэйшага тэатра» пакажуць у прасторы MIT імправізацыйны спектакль Гаральд.

Гаральд – форма імправізацыі, якую вынайшлі ў ЗША ў 1967 годзе і якую можна ўзгадаць сярод родапачынальнікаў стэндапа. Пазней структура Гаральд стала шырока ўжывацца імправізацыйнымі тэатрамі па ўсім свеце. Ніводны спектакль не паўтараецца, і ніводны немагчыма ўбачыць ізноў.

Падчас дзеі будзе абраная тэма (рэжысёрам Андрэем Саўчанкам, акторамі ці гледачамі), пасля чаго акторы імправізуюць і ствараюць сцэны і маналогі, якія складаюцца ў суцэльную кампазіцыю з пачаткам і фіналам. Разам з акторамі імправізуюць музыка і мастак па святле.

Мова спектаклю – беларуская.

Акторы: Павел Ярмак, Анастасія Ляшковіч, Віялета Кандратовіч, Анастасія Каплан, Аляксей Халупка. Мастак па святлу: Даніла Ганчароў. Музыка: Эрык Арлоў-Шымкус. Рэжысёр: Андрэй Саўчанка.

Каб набыць квіток коштам 40 злотых, трэба напісаць у дырэкт.