Тэлеграм-канал пра беларускае кіно «Священный Белавуд» прызнаны «экстрэмісцкім»
Reform.news · 14 января 2025, 12:16
https://reform.news/tjelegram-kanal-pra-belaruskae-kino-svjashhennyj-belavud-pryznany-jekstrjemisckim/Міністэрства інфармацыі Беларусі ўнесла тэлеграм-канал «Священный Белавуд» у спіс «экстрэмісцкіх» матэрыялаў. 13 студзеня рашэннем аднога з раённых судоў вядомаму рэсурсу аб беларускім кіно быў нададзены статус небяспечнага для распаўсюду.
«Першая «ўзнагарода» ад уладаў за адданую працу дакацілася і да мяне, — пракаментаваў крок уладаў рэдактар канала. — Прадказальна і чакана, бо экстрэмісцкі спіс медыяў амаль бяздонны і папаўняецца з хуткасцю павадка.
Што гэта зменіць?
У працы канала — нічога. Проста падпісчыкам і чытачам канала, якія знаходзяцца ў Беларусі, можа пагражаць штраф і адміністратыўная адказнасць за чытанне канала.
Папярэджаны — значыць узброены. А я працую далей!», — выказаўся з нагоды заснавальнік канала.
Падпісвайцеся на культурныя навіны Reform.news у Telegram