У беларускай музыкі і паэткі Светы Бень выходзіць кніга для дзяцей і дарослых «Беспрацоўнае дрэва». Перадзаказ на выданне, якое аўтарка стварыла разам з нямецкай ілюстратаркай Лінай Хессе, адкрыла сёння незалежнае выдавецтва «Мяне няма».
Света Бень распавяла пра свой твор так:
«Гэта гісторыя Дрэва, якое ўсё сваё расліннае жыццё адказна працавала дрэвам у парку, але з-за бздураў начальства мусіла яго пакінуць і выправіцца ў дарогу. Там будуць прыгоды — часам захапляльныя, часам небяспечныя, а часам і зусім нечаканыя. Там будуць пошукі працы, белага мядзведзя і… сябе».
Частка публіка і ўжо мела магчымасць пазнаёміцца з гісторыяй Беспрацоўнага дрэва — дзякуючы аднайменнаму спектаклю ў рэжысуры Светы Бень, які паказваўся ў многіх краінах.
Зараз апавяданне пра падарожжы Дрэва атрымала кніжнае ўвасабленне.
Заказаць яскравую навінку можна тут.
Падпісвайцеся на культурныя навіны Reform.news у Telegram