Sw@da x Niczos выклалі кліп на песню «Карнавал», прэм’ера якога адбылася на падляшскім фестывалі BarnField

Reform.news · 2 сентября 2026, 19:52

https://reform.news/swda-x-niczos-vyklali-klip-na-pesnyu-karnaval-premera-yakoga-adbylasya-na-padlyashskim-festyvali-barnfield/

«Karnawał» – адна з апошніх песень падляшскага дуэта Sw@da x Niczos. Прэмʼера песні адбылася напрыканцы жніўня падчас мультыкультурнага фестывалю Barn+Field у Бельску-Падляшскім непасрэдна ў клуні – без сцэны і барʼераў паміж музыкамі і слухачамі. Кліп выдатна перадае той глядацкі настрой: «Усе былі на адной хвалі», – згадваюць удзельнікі імпрэзы.

Дуэт з польска-беларускага памежжа выкарыстоўвае ў сваіх трэках падляшскую гаворку. І не толькі гаворку: спявачка Ніка Юрчук разам з Віктарам Шчыгелем, прадзюсарам з калумбійскімі каранямі, ствараюць Podlasie bounce – міксуюць сучасную электронную музыку з падляшскім каларытам.

На фестываль прыехалі і беларускія выканаўцы: Mandzik і гурт мужчынскага традыцыйнага спеву «Касары».

Беларускія «Касары» і падляшскі гурт Sw@da x Niczos абʼядналіся ў фармаце, які нагадваў традыцыйныя вячоркі. Вынік сумеснага эксперыменту атрымаўся надзвычай каларытным: «Касары» выканалі бяседную песню «Ой, да сонцэ» пад магутны рэз-бас падляскіх музыкаў.

Фестываль Barn+Field ладзіцца ўжо трэці год запар. Яго галоўная адметнасць – смелае спалучэнне электроннай і рок-музыкі з аўтэнтычнымі традыцыйнымі матывамі.

Падпісвайцеся на культурныя навіны Reform.news у Telegram