Учора, 3 студзеня, у Музеі ікон у Варшаве адбыўся паказ каляднага спектакля «Дзверцы ў сэрцы» тэатра «Кардонка». Рэжысёрка і выканаўца пастаноўкі — Света Бень.
Творца распавядае гісторыю нараджэння Хрыста мовай тэатра ценяў.
Усе падзеі спектакля разгортваюцца проста ў сэрцы Віфлеемскай зоркі, якую па традыцыі насілі ў Святы вечар, запальваючы ўсярэдзіне яе свечкі і агеньчыкі.
«Дзверцы ў сэрцы» — гэта калядная гісторыя, якая расказвае пра тое, як усё было насамрэч шмат-шмат гадоў таму. Ці, можа, адбываецца прама тут і зараз?», — звяртаецца да гледачоў стваральніца.
Кардонныя фігуркі тэатра ценяў, вершы, музыка — гэта пастаноўка для ўсёй сям’і, якая будзе зразумелая і самым маленькім гледачам.
Наступны паказ «Дзверцы ў сэрцы» адбудзецца 7 студзеня а 16:30 у Берліне ў студыі Zuckerwattenkrawatten.
Забраніраваць месцы можна тут.
Падпісвайцеся на культурныя навіны Reform.news у Telegram
