Спектакль Алены Гіранок пра невідушчых пройдзе ў Познані

Культура

9 і 10 лістапада ў Познані адбудзецца спектакль «Нябачныя» — рэжысёрскі дэбют беларускай акторкі Алены Гіранок.

Як выглядае свет вачыма тысячы невідушчых? Вачыма тых, хто жыве побач з намі, ходзіць па тых самых вуліцах, але для нас, для грамадскай свядомасці застаецца нябачным.

Можа, часам, каб убачыць, трэба спачатку згасіць святло?

Спектакль уяўляе сабой поліфанічны рэпартаж, які мяжуе з радыёспектаклем і перформансам, рэалізаваным у цемры.

Гэта спроба ўявіць паўсядзённасць невідушчых людзей, заснаваную на ўсіх пачуццях, за выключэннем зрокавага досведу.

У аснове невізуальнага спектакля Алена Гіранок — рэальныя гісторыі невідушчых і слабавідушчых людзей з Беларусі.

Ён створаны ў супрацоўніцтве з беларускімі і ўкраінскімі акцёрамі, якія жывуць у Познані.

Спектакль ідзе на чатырох мовах: беларускай, украінскай і рускай з сінхронным перакладам на польскую мову.

Будзе чатыры паказы — па два на дзень.

Квіткі коштам 40 злотых поўны і 30 злотых ільготны можна набыць па спасылцы.

Алена Гіранок — былая актрыса Тэатра-студыі кінаакцёра. Адна з апошніх яе работ у кіно — роля жонкі Янкі Купалы Уладзіславы ў аднайменным фільме Уладзіміра Янкоўскага.

Дата: 9 і 10 лістапада

Час: 18.00 і 20.00 (час мясцовы)

Месца: Teatr Ósmego Dnia, Ratajczaka, 44, Познань

Падпісвайцеся на культурныя навіны Reform.by у Telegram

Если вы нашли ошибку, пожалуйста, выделите фрагмент текста и нажмите Ctrl+Enter.

Последние новости


REFORM.news (ранее REFORM.by)


Сообщить об опечатке

Текст, который будет отправлен нашим редакторам: