6 верасня памёр Алег (Лёлік) Тумашоў — былы вакаліст гурта ULIS, музыка, голас якога гучыць у легендарным альбоме гурта «Танцы на даху».
Пра смерць творцы паведаміў у сваіх сацсетках Фелікс Аксёнцаў — паэт і аўтар тэкстаў да песень «Уліса» і «Крамы».
«Танцы на даху» — трэці альбом вядомага рок-гурта. Ён быў запісаны ў студыi «Polskie Radio» (горада Ольштын) у лютым 1993 года (ужо пасля сыходу з рок-калектыву саліста Андрэя Патрэя).
Музычны крытык Вітаўт Мартыненка адзначаў глыбокі філасофскі змест і актуальнасць музычнай мовы зборніка, назваўшы яго рэвалюцыйным.
У лютым таго ж года выдаецца англамоўная версія праграмы «Dances On The Roof».
Музыка і архіватар альтэрнатыўнай беларускай музыкі, аўтар праграмы «Кракатук» Віктар Сямашка назваў Алега Тумашова адным з герояў беларускага року, якога, на жаль, ён не паспеў запісаць.
Развітанне з творцам адбудзецца ў панядзелак, 8 верасня, 14:00, у будынку крэматорыя на Паўночных могілках.
Нагадаем, што сёлета пайшоў з жыцця яшчэ адзін музыка Ulis — бубнач Сяргей «Боршч» Кныш.
Падпісвайцеся на культурныя навіны Reform.news у Telegram