Падчас рэстаўрацыі касцёла Божага Цела ў Нясвіжы будаўнічая тэхніка раструшчыла старыя каменныя надмагіллі, якія знаходзіліся пад зямлёй і не былі бачныя з паверхні.
Іх сабралі і выставілі на могілках у шкляных вітрынах.
«Вось чаму перад любымі буйнымі работамі на помніках такога значэння патрэбныя папярэднія археалагічныя даследаванні, там не толькі можна знайсці нейкія падказкі па самім аб’екце – кавалкі дэкору, шкло з шыбаў і гэтай далей, – але і вось такія незаўважныя артэфакты», – піша тэлеграм-канал «Спадчына».
Касцёл Божага Цела ў Нясвіжы — першы архітэктурны будынак стылю барока на тэрыторыі Рэчы Паспалітай, знаходзіцца ў спісе Сусветнай спадчыны ЮНЕСКА.
Паводле партала «Katolik.life», рэстаўрацыя касцёла Божага Цела ў Нясвіжы пачалася ў красавіку.
Падпісвайцеся на культурныя навіны Reform.news у Telegram