На лекцыі ад праекта Culture Makes раскажуць пра сучасныя сістэмы падтрымкі культуры ў Польшчы і Еўропе

На пятай адкрытай лекцыі ад праекта Culture Makes культурная менеджарка Аляксандра Шыманьска распавядзе пра сістэмы падтрымкі культуры: фінансавыя і нефінансавыя практыкі з Польшчы, у тым ліку фонды ЕС і недзяржаўныя фонды.

Лекцыя будзе прысвечана фінансавым і нефiнансавым практыкам, якія дапамагаюць развіваць культурныя праекты, як у дзяржаўных, так і ў незалежных сектарах.

Асноўныя тэмы лекцыі:

• Эвалюцыя сістэмы фінансавання культуры ў Польшчы і ўплыў палітычных і адміністрацыйных змен.
• Прыклады паспяховых праектаў, падтрыманых дзяржаўнымі ўстановамі і недзяржаўнымі фондамі.
• Параўнальны аналіз культурных палітык Польшчы і іншых еўрапейскіх краін.
• Роля няўрадавых арганізацый, нефармальных груп і прыватных асоб у развіцці культуры.
• Што чакаць беларускай культуры ў найбліжэйшай будучыні.

Фарматы лекцыі:

• Афлайн у Варшаве. Выдатная магчымасць сустрэцца асабіста, абмеркаваць тэму і пашырыць сваё прафесійнае кола.
• Анлайн на платформе ZOOM.

Працоўная мова – польская, пераклад на беларускую будзе даступны ў zoom-вебінары.

Аляксандра Шыманьска – культурная менеджарка, спецыялістка па культурніцкай палітыцы. Кіраўніца літаратурнага і маркетынгавага аддзела Вялікага тэатра — Нацыянальнай оперы. З ліпеня 2024 года — дырэктарка Цэнтра падтрымкі творчых індустрый. Былая дырэктарка Інстытута гарадской культуры ў Гданьску. Выпускніца Акадэміі лідарства ў Польшчы. Суаўтарка ключавой ідэі кандыдатуры Гданьска на званне культурнай сталіцы Еўропы пад назвай «Воля культуры. Культура волі».

Абавязковая папярэдняя рэгістрацыя па спасылцы.

Дата: 22 чэрвеня

Час: 14:00 па Варшаве

Месца: Варшава ці анлайн у zoom.