У варшаўскай Studio ISKRA беларускія мастакі з Варшавы і Берліна — Андрэй Анро, Васіліса Паляніна і Аляксандр Адамаў — прэзентавалі аднадзённую выставу «Пясок».
![Мабільная галерэя "Shklatar" прэзентавала выставу "Пясок", аднак толькі на дзень](https://reform.news/wp-content/uploads/2023/08/adamau.jpg)
Творы, зробленыя за апошнія два гады, з’яднаныя ідэяй трансфармацыі: гэта трансфармацыя цеплазахавальнага матэрыялу ў куртку для бежанцаў ці агрэсіўнай прылады для баранавання зямлі ў мяккі загадкавы аб’ект — як у праектах Аляксандра Адамава; перавод страчанага інтэр’ера беларускага храма ў віртуальную рэальнасць — як у рабоце Андрэя Анро; метафарычныя пераўтварэнні Васілісы Палянінай у прасторы міфа.
![Мабільная галерэя "Shklatar" прэзентавала выставу "Пясок", аднак толькі на дзень](https://reform.news/wp-content/uploads/2023/08/2palanina.jpg)
У сукупнасці экспазіцыя з’яўляецца пераасэнсаваннем пераменаў у жыцці ўсходнееўрапейскага грамадства.
«Грамадства ёсць сукупнасцю адзінак, якія атрымалі ў суме і масе сваёй новыя ўласцівасці — як і пясок, зліпаецца пад шчыльнасцю часу і рассыпаецца зноў да ўдару маланкі. І зноў новая форма — шкло — і новыя ўласцівасці — далікатная празрыстасць«, — паведамляе анатацыя выставы.
![Мабільная галерэя "Shklatar" прэзентавала выставу "Пясок", аднак толькі на дзень](https://reform.news/wp-content/uploads/2023/08/anpo.jpg)
Выстава «Пясок» — з-за яе кароткачасовасці — магла б прайсці незаўважанай, аднак гэта першы праект новай галерэі, які варта зафіксаваць.
Галерэя «Shklatar» мае ў сваё назве шэраг зашыфраваных культавых для беларускай арт-прасторы паняццяў і лакацый. Гэта і намёк на раман Артура Клінава, і асацыяцыі з галерэяй «Ў». Мастакі новай галерэі — Андрэй Анро, Васіліса Паляніна і Аляксандр Адамаў — жывуць у розных краінах, таму месца новых выстаў галерэі застаецца пакуль невядомым, як і склад удзельнікаў.
Аднак само ўзнікненне такога, хоць пакуль даволі эфемернага праекта дае надзею на актывізацыю і актуалізацыю прафесійнага мастацкага жыцця. Варта толькі дачакацца новых выстаў.
Падпісвайцеся на культурныя навіны Reform.by у Telegram
Если вы нашли ошибку, пожалуйста, выделите фрагмент текста и нажмите Ctrl+Enter.
Сообщить об опечатке
Текст, который будет отправлен нашим редакторам: