Пасля інфармацыі аб ліквідацыі школьнага музея Яўгеніі Янішчыц паўстала хваля занепакоенасці і абурэння. Навіна выклікала рэзананс, піша «Наша Ніва».
Як стала вядома, Міністэрства культуры РБ паведаміла, што ў адпаведнасці з Кодэксам РБ аб культуры лічыць мэтазгодным народны музей Яўгеніі Янішчыц перадаць Музею Беларускага Палесся горада Пінска, які ў сваю чаргу ўжо даў згоду прыняць новую калекцыю.
Пастанова чакае фармальнага зацвярджэння яшчэ ў адной інстанцыі — на кастрычніцкім пасяджэнні Пінскага райвыканкама павінна быць прынята рашэнне аб перадачы экспанатаў Музею Беларускага Палесся.
«Добра, што музей будзе. Кепска, што згубіцца ў дзясятках залаў музея Беларускага Палесься.
Шкада, што музей у Мерчыцах, дзе вучылася Паэтка, ня ўзяў да сябе экспазіцыю. Усё ж, можна было б тады і ў Мінску стварыць музей, дзе Яўгенія Янішчыц вучылася, працавала, жыла і загінула», — каментуе рашэнне пісьменніца Аксана Спрынчан.
Падпісвайцеся на культурныя навіны Reform.news у Telegram
