Два раялі, на якіх іграў Мікалай Лукашэнка і яго педагог па музыцы Алена Асташкіна-Мысліўчык падчас прапагандысцкай акцыі «Марафон адзінства», сёння былі перададзены ў музычныя каледжы ў Мінск і Магілёў. Дзяржаўныя СМІ прыпаднеслі гэта як «гістарычную падзею» ў духу «на гэтых інструментах іграў сын прэзідэнта».
«Педагогі і навучэнцы Мінскага дзяржаўнага музычнага каледжа ім. М.І. Глінкі шчаслівыя атрымаць такі падарунак. Яны з натхненнем успрынялі такі падарунак — раяль, на якім іграў Мікалай Лукашэнка такую сур’ёзную музыку», — напісала пра акцыю БелТА.
Міністр культуры Руслан Чарнецкі падзяліўся, што калі ён чуў кампазіцыю «Славянскае сузор’е» ў выкананні Мікалая Лукашэнкі і Алены Асташкінай-Мысліўчык на канцэртах «Марафона адзінства», «у яго мурашы беглі па скуры».
Раялі беларускай вытворчасці на ўсе лады расхвальвалі музычныя педагогі вучні як мінскага каледжа, так і Магілёўскага дзяржаўнага каледжа мастацтваў — гэта другая ўстанова, якой перадалі другі раяль.
Паміж тым, сыходзячы з тэксту, інструменты былі прыпаднесены ў дар не ад арганізатараў прапагандысцкай акцыі, а ад Федэрацыі прафсаюзаў Беларусі.
Падпісвайцеся на культурныя навіны Reform.news у Telegram
