20 чэрвеня Новы драматычны тэатр горада Мінска пакажа фолк-рок камедыю «Прымакі» рэжысёра Арцёма Пінчука па п’есе Янкі Купалы на сцэне тэатральнай гасцёўні ў Лошыцкім парку.
Гэта будзе юбілейны, 60-ты паказ спектакля. Уваход на яго будзе вольны.
Спектакль «Прымакі» пастаўлены ў жанры народнага анекдота і камедыі з элементамі фарсу. Ён напоўнены яркімі песнямі, танцамі і народным гумарам. Гэта не проста класічная беларуская камедыя — гэта яркая музычная пастаноўка, дзе традыцыі вясковага побыту нечакана спалучаюцца з драйвам фолк-року і рыфамі на электрагітары. Песні гучаць у сучасных аранжыроўках, а народны гумар набывае новае, жывое гучанне.
П’еса Янкі Купалы была напісаная ў 1913 годзе, упершыню была надрукаваная ў 1920-м. Яна ставілася ў многіх беларускіх тэатрах. Другое нараджэнне «Прымакі» атрымалі ў 2000-я і сёння ёсць у рэпертуары адразу некалькіх творчых калектываў.
Пачатак спектакля ў 19.00.
Падпісвайцеся на культурныя навіны Reform.news у Telegram