Фестываль інтэлектуальнай кнігі Pradmova абвяшчае конкурс-выставу маладых ілюстратараў і дызайнераў кніг

Reform.news · 16 августа 2024, 10:43

https://reform.news/festyval-intjelektualnaj-knigi-pradmova-abvjashchae-konkurs-vystavu-maladyh-iljustratara-i-dyzajnera-knig/

Фестываль PRADMOVA задумваўся як месца сустрэч людзей, звязаных са стварэннем кніг. Таму і з’явілася ідэя вылучыць накірунак дызайну і прысвяціць яму больш увагі ў межах фестывалю. ArtPradmova дае магчымасць прыцягнуць ўвагу міжнародных выдаўцоў, а таксама шанец атрымаць новыя цікавыя замовы і зрабіцца лепш бачнымі ў публічнай прасторы.

Умовы ўдзелу ў конкурсе:

• На конкурс прымаюцца працы, звязаныя з кнігамі (вокладкі, ілюстрацыі, арт-букі, мастацкія праекты і іншае).
• Ілюстрацыі можна даслаць у лічбавым фармаце проста ў гугл форме!
• Ад аднаго ўдзельніка на конкурс можа быць пададзена толькі адна заяўка
• Узрост удзельнікаў — ад 17 да 39 гадоў уключна.

Найлепшыя творы па выніках працы журы конкурсу будуць выстаўлены ў межах фестывалю, таксама пераможцы атрымаюць прыемныя падарункі і новыя творчыя магчымасці ад ArtPradmova.

Падаць заяўку можна на праз гугл форму.

Усе заяўкі падаюцца ў электроннай форме да 3 верасня 2024 года.

Падпісвайцеся на культурныя навіны Reform.by у Telegram