Фота ілюстрацыйнае
Фундацыя INEXKULT пры падтрымцы творчага асяроддзя і шырокіх колаў беларускай публікі просіць вылучыць памяшканне на тэрыторыі Варшавы, дзе мог бы весці сваю дзейнасць беларускі тэатр, адкрыты для ўсіх незалежных беларускіх калектываў, што працуюць у Польшчы і іншых еўрапейскіх краінах.
«Маючы прастору і працуючы як партнёры, мы зможам больш, але перш за ўсё, зможам дамаўляцца міжасобку і засяроджвацца на творчых планах, — паведамляецца ў сацсетках фундацыі. — Новая тэатральная прастора будзе адкрытай для разнастайных ініцыятыў і дыскусій. Гэта будзе месца для сустрэч, імпрэзаў, адукацыі, навукі і вольнага часу. Месца, створанае супольнымі намаганнямі пры падтрымцы сяброў«.
Падпісаць петыцыю з просьбай вылучыць памяшканне можна будзе перад усімі спектаклямі INEX ФЭСТ і Тыдня беларускага тэатра ў TR Warszawa ў жніўні, а таксама ў наступных месцах:
Спіс месцаў для збору подпісаў будзе пашырацца.
Падпісвайцеся на культурныя навіны Reform.by у Telegram