Да Сусветнага дня паэзіі ў выдавецтве Hochroth-Minsk выйшла новая кніга Ганны Комар

Зборнік вершаў Ганны Комар пад назвай «Вызвалі або бяжы» выйшаў у стандартным афармленні нямецкага выдавецтва Hochroth-Minsk — у чорнай вокладцы і ў мінімалістычным дызайне.

Кніга пакуль не паступіла ў продаж, пра магчымасць замовіць зборнік выдавец абяцае паведаміць асобна.

Ганна Комар — аўтарка паэтычных зборнікаў «Страх вышыні», «Recycled» і «Мы вернемся» — астатні напісаны паводле гісторый беларусаў.

Выхад кнігі паэткі — цудоўная нагода згадаць пра Сусветны дзень паэзіі – свята, якое штогод адзначаецца 21 сакавіка згодна з рэзалюцыяй ЮНЕСКА ад 15 лістапада 1999 года. Свята заклікае да папулярызацыі чытання, напісання, публікацыі і выкладання паэзіі ва ўсім свеце.

Падпісвайцеся на культурныя навіны Reform.by у Telegram