Бясплатныя музеі і бібліятэкі: у Беларусі з 3 па 7 снежня пройдзе «Тыдзень даступнай культуры» для людзей з інваліднасцю

Інтэр'ер у Нясвіжскім замку. Фота: Reform.news.

У Беларусі з 3 па 7 снежня пройдзе акцыя «Тыдзень даступнай культуры», прымеркаваная да Міжнароднага дня інвалідаў (3 снежня). Мэта ініцыятывы — стварэнне безбар’ернага асяроддзя і павышэнне даступнасці культурнай спадчыны, дзякуючы чаму людзі з інваліднасцю змогуць бясплатна наведаць музеі і бібліятэкі па ўсёй краіне.

Ініцыятыва ахопіць усе рэгіёны краіны, паведамляе Мінкульт.

Сярод устаноў, якія далучацца да акцыі:

Нацыянальная бібліятэка Беларусі і іншыя рэгіянальныя бібліятэкі
Музеі, у тым ліку Беларускі дзяржаўны музей гісторыі Вялікай Айчыннай вайны, дзе будуць арганізаваны тактыльныя экскурсіі.

Адказнымі за правядзенне мерапрыемстваў прызначаны Міністэрства культуры, аблвыканкамы, Мінскі гарвыканкам, а таксама Нацыянальная бібліятэка Беларусі.