ААТ «БелВітуніфарм» заключыла яшчэ адзін дагавор, звязаны з будаўніцтвам завода па вытворчасці біятэхналагічных прэпаратаў. Ён будзе ўзведзены ў вёсцы Должа Віцебскага раёна.
Паведамленне пра буйную здзелку размешчана на АПФР. Гаворка ідзе пра дагавор на аказанне інжынерных паслуг з ТДА “МонПроект”. Агульная сума здзелкі ўказаная ў памеры 199,57 млн рублёў.
У ліпені прадпрыемства ўжо заключала дагавор з ТАА “МассивСпецСтрой” як падрадчыкам будаўніцтва завода. Тады сума здзелкі складала 192,2 млн рублёў.
Нагадаем, у верасні мінулага года быў прыняты ўказ №346 ад 30.09.2025. У адпаведнасці з ім, “БелВітуніфарм” у 2025-2030 гадах павінен рэалізаваць інвестыцыйны праект па стварэнні сучаснай імпартазамяшчальнай вытворчасці ветэрынарных і медыцынскіх лекавых сродкаў, які ўключае ўзвядзенне новых і рэканструкцыю існуючых вытворчых магутнасцей, будаўніцтва аб’ектаў жылой забудовы, інжынернай і транспартнай інфраструктуры. Дакумент пры гэтым утрымліваў падпункт “для службовага карыстання”.